Abanyagihugu bitavye ari benshi mu bikorwa vy’iterambere rusangi, bishigikiwe n’imfashanyo zikomeye z’amasima n’amafaranga.

Butanyerera, 9/05/2026 (BdiAgnews) – Mu gihe hari hahari abayobozi batandukanye bo ku rwego rw’intara n’igihugu, harimwo Umukuru w’Inama Nshingamateka, Umushikiranganji w’Intwaro yo hagati mu gihugu, abashingamateka batorerwa muri iyo ntara, indongozi kavukire n’abandi batumirwa, Umukuru w’Igihugu c’Uburundi, Nyenicubahiro Ndayishimiye Évariste, Général-Major, ari kumwe n’umupfasoni wiwe Nyenicubahiro Ndayubaha Angeline, Umupfasoni wa mbere w’Uburundi, yifadikanije n’abanyagihugu bo mu komine Matongo mu bikorwa vy’Iterambere Rusangi (TDC), vyari vyerekeye gushira no gusuka amabati y’inzu nshasha y’ibiro vya komine izoba ifise amagorofa ane ; mu gushigikira uwo mugambi, Ibiro vy’Umukuru w’Igihugu vyatanze imifuko 1 000 y’isima, umuryango w’Umukuru w’Igihugu utanga imiliyoni 20 z’amarundi, ishirahamwe Samuragwa ritanga imifuko 618 y’isima, mu gihe ishirahamwe ry’ubwishingizi BIC ryatanze imifuko 90 y’isima ; ivyo bikorwa vya TDC, vyitabiriwe cane, biri mu nkingi z’ingenzi z’imigambi y’iterambere ry’ubutunzi n’imibano mu Burundi, ishingiye ku ruhara rw’abanyagihugu mu kwiteza imbere.

DAM, NY, AGNEWS : burundi-agnews.org, Ku wa mungu 10 Rusama 2026 | Ifoto : Le Renouveau