Intoranwa y’Ingoma y’Uburundi yahimbajwe muri UNESCO biciye kuri Vumera Club n’Ambasade y’Uburundi mu Bufaransa.
Paris (Ubufaransa, UNESCO), 19/05/2026 (BdiAgnews) – Abarundi ni abantu b’Ubungoma, isanzure ry’ivyiyumviro vy’Ingoma, ari na bwo bwatumye havuka Iciwa ry’Ingoma, aho Uburundi, Ingoma y’Uburundi, buri mu bihugu vya kera vya Afrika bimaze imyaka ibihumbi, vyari vyubakiye ku butegetsi bubiri : ku ruhande rumwe hari Ingoma Ntagatifu Karyenda yari iserukiwe na Mukakaryenda, umugore w’Ingoma, no ku rundi ruhande hakaba Umwami, uwaserukira Imana ; muri urwo rwego rw’amateka n’akaranga, Barandaje Jean Barthélemy hamwe n’umugwi w’akaranga Vumera Club baraserukiye Uburundi mu birori vy’ugufungura ku mugaragaro Indwi ya Afrika 2026 muri UNESCO i Paris (insanganyamatsiko : “Gukomeza kubungabunga amazi n’uburyo bw’isuku birama”), ihuriro mpuzamakungu rikomeye ryahariwe impfuvyose, imico n’akaranga vya Afrika ; ico gikorwa cafashwe nk’iteka rikomeye ku Burundi, kuko Ingoma y’Uburundi yanditswe kuva mu 2014 mu ntoranwa z’akaranga k’isi zikingiwe na UNESCO ; nk’uko vyavuzwe n’abateguye ivyo birori, ukwo kwitabira kwabaye kubera utwigoro twa Nyenicubahiro Spès Caritas Njebarikanuye, Ambasaderi w’Uburundi mu Bufaransa ; Vumera Club yarasubiyemwo ko yiyemeje guteza imbere ubuhinga n’akaranga vy’Uburundi biciye mu migambi y’ubuhanzi no mu bufatanye mpuzamakungu, mu ntumbero yo kumenyekanisha intoranwa z’Abarundi no gukomeza uguhanahana imico hagati y’Uburundi n’amakungu.
Inkomezi :
– Nahimana Karolero Pascal, Histoire du Burundi : Les grandes dates de l’histoire des Barundi et de l’État millénaire africain – Ingoma y’Uburundi, Bruxelles, Génération Afrique, 2024.
– Nahimana Karolero Pascal, Histoire des imiryango : LES BAJIJI Abajiji, Bajiji, Wajiji, Jiji : Du Burundi au Mwene Mwezi : À l’origine de l’Ubungoma, d’Ingoma, et de l’Ubumu : Cosmologie, Etat, et Système socio-économique du tambour sacré, Bruxelles, Génération Afrique, 2026.
– Mbonyingingo Leona, L’Épouse du tambour, Montréal, 2025.
– Nahimana Karolero Pascal, Burundi : La diaspora burundaise – Du monde, de Belgique et d’ailleurs – Histoire, trajectoires et ancrage, Bruxelles, Génération Afrique, 2025.
Références :
– Nahimana Karolero Pascal, Histoire du Burundi : Les grandes dates de l’histoire des Barundi et de l’État millénaire africain – Ingoma y’Uburundi, Bruxelles, Génération Afrique, 2024.
– Nahimana Karolero Pascal, Histoire des imiryango : LES BAJIJI Abajiji, Bajiji, Wajiji, Jiji.: Du Burundi au Mwene Mwezi : À l’origine de l’Ubungoma, d’Ingoma, et de l’Ubumu : Cosmologie, Etat, et Système socio-économique du tambour sacré, Bruxelles, Génération Afrique, 2026.
– Mbonyingingo Leona, L’Épouse du tambour, Montréal, 2025.
– Nahimana Karolero Pascal, Burundi : La diaspora burundaise – Du monde, de Belgique et d’ailleurs – Histoire, trajectoires et ancrage, Bruxelles, Génération Afrique, 2025.
Amasoko : DAM, NY, AGNEWS : burundi-agnews.org, Ku wa kabiri 19 Rusama 2026 | Ifoto : Vumera Club
